:::طريقة عمل المفتول الفلسطيني::: لذيييييذ جداااا

[شيماء]

:::طريقة عمل المفتول الفلسطيني::: لذيييييذ جداااا
السلام عليكم ورحمة الله وبركاته.

المفتول اكلة فلسطينية

المهم ماتحتاجيه التالي :::

1-لعمل المفتول ::: اشتري من محلات البهارات
او مفتول الحجم المتوسط هون العلبة مكتوب عليها متوسط
او صغير فخلي بالك خذي المتوسط
http://upsarab.com/uploads/078e5fb491.jpg
وفي فلسطين بنعملو طريقة معينة بالطحين والعجايز هناك يعملوه بمهارة
المهم تحضريه وتضعيه في صينية
http://upsarab.com/uploads/01417e34a6.jpg

وتحضري مية وملح اوكي وبتصيري ترشي المية المملحة عالمفتول
وتفركي بايديكي
وترشي ايضا زيت وتعملي نفس العملية
والمقدار غير محدد من الماء والزيت ولكن بالتقدير لما تحسيه
شوووووووي رطب

والان نحضر المفتولية وهي لعمل المفتول بتجدوها عند محلات
الادوات المنزلية
http://upsarab.com/uploads/46e7cd20f0.jpg
وهي عبارة عن متل طبخ الارز عالبخار
يعني ممكن تحطة مصفاة تحتها حلة فيها ماء بيغلي لكن لازم المصفاة
تكون مسكرة الحلة عالاخير لحتى مايتسرب البخار
وبتحطي المفتول بالمصفاية الي تحته ماء بيغلي وبتقلبي من فترة
لاخرى حتى يستوي وبالعادة ياخد تلات ارباع ساعة او نصف ساعة ...

والان نحضر بصلة كبيرة ونقطعها مربعات صغيرة ونضع عليها
عين جرادة ناشفة يعني شبت لكن ناشف بذور يعني بتلاقوه
بمحلات البهارات وبتدقيهم منيح منيح
وبتحطي المفتول في صينية وعليه الدقة تخلط معاه ويشرب
بشوربة دجاج او لحمة ...

عمل اليخنة:::في حلة بها قليل من الزيت تقطعي بصل جوانح
وتقلبيه ثم بندورة جوانح ثم تصبي عليهم شوربة اللحم او الدجاج ...
ثم تضيفي خضار حسب الرغبة
ممكن بطاطا مكعبات متوسطة او
قرع مكعبات متوسطة او كوسة
ممكن الكل حسب الرغبة
وتترك لغاية ما يتسبكو وتنضج الخضار وتضعو في اخر خمس
او عشر دقايق حمص مسلوق
والبهارات والملح والذي منه

وتصبيها فوق المفتول في النصف يعني عالوش

وتكوني عاملة دجاج او لحمة حسب الرغبة
والله انها اكلة اكثر من رائعة
ويهيء لكم انها صعبة
انا اكلها في بيت اهلي جاهزة يعني ماما الي تعملها
جربوه وحتنبسطو كتير
والف صحة وهناااااااااا

http://upsarab.com/uploads/166a60598b.jpg

http://upsarab.com/uploads/1c73d05977.jpg

والفلسطينية منكو ترد وتشجع البنات وتقول اديش
المفتول زااااااااااااااااااااااكي